Umthuthuzeli

Iyaqhuba….

Yohane 14:16-18, 20, 23, 26; Mna ndiya kucela kuBawo, aze aninike omnye uMthetheleli, ukuze ahlale nani ngonaphakade; NoMoya wenyaniso; lowo ihlabathi lingenako ukumamkela, ngokuba lingamboni, lingamazi nokumazi. ngokuba uhleli nani, kanjalo uya kuba kuni. Andiyi kunishiya niziinkedama; ndiyeza kuni. Ngaloo mini niya kwazi nina ukuba ndikuye uBawo, nani nikum, nam ndikuni. Waphendula uYesu wathi kuye, Ukuba umntu uyandithanda, woligcina ilizwi lam; wothi uBawo amthande, size kuye, sihlale naye. Ke uMthetheleli, uMoya oyiNgcwele, aya kumthuma uBawo egameni lam, yena uya kunifundisa zonke izinto, anikhumbuze zonke izinto endizithethileyo kuni.

Yohane 15:26-27; Xa ke athe wafika uMthetheleli, endiya kumthuma mna kuni evela kuBawo, uMoya wenyaniso ophuma kuBawo, wongqina ngam; nani niya kungqina, ngokuba beninam nivela eNkosini. ukuqala.

Eyoku-1 kwabaseKorinte. 12:3; Kungoko ndinazisayo, okokuba akukho namnye, ethetha ekuMoya kaThixo, unokuthi ungosingelwe phantsi uYesu; kanjalo akukho namnye unako ukuthi uyiNkosi uYesu, engekuye uMoya oyiNgcwele.

Yohane 16:7, 13-14; Noko ke mna ndinixelela inyaniso; kunilungele ukuba ndimke; kuba, ndingemkanga, uMthetheleli akayi kuza kuni; ke, ndithe ndemka, ndiya kumthumela kuni. Xa ke athe wafika yena uMoya wenyaniso, uya kunikhokelela kuyo yonke inyaniso; uya kuthetha athe wakuva, anibikele izinto ezizayo. Yena uya kundizukisa; ngokuba eya kwamkela kokukokwam, aze anibikele ke.

Roma 8: 9-11, 14-16, 23, 26; Ke nina anikwinyama; nikuMoya, ukuba kumi okunene uMoya kaThixo ngaphakathi kwenu. Ukuba ke umntu akanaye uMoya kaKristu, akangowakhe lowo. Ukuba ke uKristu ungaphakathi kwenu, umzimba okunene ufile ngenxa yesono; kodwa uMoya ububomi ngenxa yobulungisa. Ukuba ke uMoya walowo wamvusayo uYesu kwabafileyo, umi ngaphakathi kwenu, yena owamvusayo uKristu kwabafileyo uya kuyenza iphile nemizimba yenu enokufa, ngaye uMoya wakhe omiyo ngaphakathi kwenu. Kuba bonke abakhokelwa nguMoya kaThixo, bangoonyana bakaThixo abo. Kuba anamkelanga moya wabukhoboka, ukuba nibuye noyike; namkele uMoya wokwenziwa oonyana, esidanduluka ngaye sithi, Abha, Bawo. UMoya ngokwakhe ungqinelana nomoya wethu, ukuba singabantwana bakaThixo. Asiyikuphela ke thina aba; sisuka nathi, banayo intlahlela yoMoya, thina aba ke ngokwethu, sincwine ngaphakathi kwethu, silinde ukwenziwa oonyana; ukukhululwa kwemizimba yethu. Ngokukwanjalo ke noMoya uncedisana nokuswela kwethu amandla, kuba esingakuthandazelayo ngokoko simelwe kukuthandaza ngako, asikwazi; uthi ke uMoya ngokwakhe asithethelele ngezincwino ezingathethekiyo.

Galati 5:5, 22-23, 25; Kuba thina soMoya silinde ithemba lobulungisa ngokwaselukholweni; Ke sona esoMoya isiqhamo luthando, uvuyo, uxolo, ukuzeka kade umsindo, ububele, ukulunga, intembeko, ubulali, ukuzeyisa; akukho mthetho uchasene nezinto ezinjalo. Ukuba sidla ubomi ngokoMoya, masihambe nokuhamba kwangokoMoya.

Umqulu #44 umhlathi 3, “Iintlangano ezininzi aziyi kuthi uYesu yiNkosi noMsindisi wazo, kwaye azinawo umoya wenene, nokuba zithetha ngaluphi na ulwimi. Kodwa abanyuliweyo badanduluka ngokuqinileyo ukuba uYesu uyiNkosi noMsindisi wabo unoMoya oyiNgcwele wenyaniso, ngokuba ngumoya wenene kuphela oya kuthetha oku. Ndiyakholelwa ngokuqinisekileyo kwisiphiwo seelwimi, kodwa olona vavanyo lokwenene loMoya oyiNgcwele ayizizo kanye izipho zoMoya; kuba iidemon zinokuxelisa ulwimi nezinye izipho zomoya, kodwa azinakuxelisa uthando okanye iLizwi elisentliziyweni. ULizwi weza ngaphambi kokuba izipho zinikwe kwaye iLizwi libekwe ngaphambi kwayo yonke imiqondiso. Ukuba uyakholwa ku-1 kwabaseKorinte 12:3, ngoko thetha ngokuba uMoya oyiNgcwele ukuwe. Ewe eli lixesha lokusulungekiswa kwaye ukuba umntu akakukholelwa oku, ngoko qaphelani, akayi kuba nanxaxheba kumandla okuphila okuqala esivuno saM sokuqala, (uMtshakazi).

063 - Umthuthuzeli- kwiPDF