Umlo olungileyo
Uzuko kwiNkosi uYesu Krestu waseNazarete. Kwiphecana elithi “UAdam Wokugqibela,” ndathembisa ukuthetha ngomlo olungileyo ukuba uThixo uyakuvumela. Kwaye ngobabalo lukaThixo, ndiza kuthetha ngayo kweli phecana.
Ubomi ngumlo njengoko sisazi sonke. Wonke umntu ubandakanyeka kumlo wobomi. Nokuba ungowaluphi na unqulo, usemlo kobu bomi. Kunjalo ke kwaye asinakukhetha. Umlo wobomi ngumlo onyanzelekileyo kumntu wonke. Kwaye ngenye imini lo mlo uya kuphela. Ekupheleni komlo wobomi, uThixo uya kufuna abo baphumeleleyo, hayi abo boyisiweyo.
Ngaba uyazi ukuba ubomi ngumlo? Ngaba uyazi ukuba kungekudala okanye kamva uya kubushiya obu bomi? Ngaba uyazi ukuba kufuneka ushiye obu bomi njengophumeleleyo? Oku kubaluleke kakhulu, kuba uya kuyidinga ebomini emva koku.
Kweyoku- 1 kwabaseKorinte 9:26 kubhaliwe kwathiwa : « Mna ke ngoko ndenjenjalo ukubaleka, ndingangi andiqondi; ndenjenjalo ukulwa nam, ndingangi ndibetha umoya. Oku kuthetha ukuba umntu unokwenza umlo wobomi kakubi ngokubetha umoya.
UMzalwan’ uPaulos usixelela ngomlo omhle kweyesi-2 kuTimoti 4:7-8, uthi “Umzamo omhle ndiwuzamile, ugqatso ndilufezile, ukholo ndilugcinile: Okokugqibela ndibekelwe isithsaba sobulungisa. , eya kundibuyisela ngaloo mini iNkosi, umgwebi olilungisa, ingabi ndim ndedwa ke, ibe ngabo bonke abakuthandayo ukubonakala kwayo. »
Ngokwale nto sisandul’ ukuyifunda kweyesi-2 kuTimoti 4:7-8 , umlo olungileyo ngumlo wokholo yaye uquka ukugcina ukholo. Luluphi ukholo? Ukholo entwenini? Ukuba nokholo kubani? Ukholo oluphuma kwilizwi likaThixo ngokwabaseRoma 10:17, “Ngoko ke ukholo luphuma eludabeni, udaba ke lukho ngelizwi likaThixo.”
Ukulwa umlo omhle kukugcina ukholo, kukugcina iLizwi likaYesu, kukusebenzisa iLizwi likaThixo kuyo nayiphi na imeko. Kwaye kungenxa yoku ukuba noYesu asigcine sikhuselekile kwaye siphilile ngenxa yemini yokuza kwakhe. ISityhilelo 3:10 sithi, “Ngenxa yokuba uligcinile ilizwi lomonde wam, nam ndiya kukugcina kwilixa lokulingwa, eliza kuza phezu kwehlabathi lonke, ukulinga abo bahleli phezu kwehlabathi.”
Ngabo banokholo lokwenyaniso kuphela abanethuba lokuwulwa umlo omhle. Ukholo lokwenyani lukholo kuYesu Krestu kuphela. Ibe lukholo uYesu awayeza kulufuna emhlabeni. ULuka 18:8 uthi: “Akufika uNyana woMntu, uya kulufumana na ukholo emhlabeni?” UYesu uyeza kwakhona kwakamsinyane ukuze anike isithsaba sobulungisa kubo bonke abakuthandayo ukubonakala kwakhe. Bonke abathanda ukuza kukaYesu balwa umlo olungileyo. Oko kukuthi, bayalugcina ukholo abanalo kuYesu, bazingise kude kube sekupheleni baze bafumane isithsaba soBulungisa okanye isithsaba sobomi.
Kubhaliwe kwiSityhilelo 2:10, “…Thembeka kude kuse ekufeni, ndokunika isithsaba sobomi.” Kwakhona uYesu uthi kwiSityhilelo 3:11, “Yabona, ndiyeza kamsinya; kubambe nkqi oko unako, ukuze kungabikho namnye usithabathayo isithsaba sakho.”
Yuda 1:3 , “Zintanda, ndikukhuthalele ngenyameko yonke nje ukunibhalela ngalo usindiso esidlelana ngalo, kwafuneka ukuba ndinibhalele, ndinivuselele, ukuba niluzamele ukholo abalunikelwayo kwakanye abangcwele. ” .
KumaHebhere 10:35-39, “Musani ukukulahla ngoko ukungafihlisi kwenu, kona kunokwamkela umvuzo omkhulu. Kuba kufuneka ukuba nibe nomonde, ukuze nithi, nakuba nikwenzile ukuthanda kukaThixo, nizuzane nalo idinga. Kuba kusaya kuba mzuzwana mncinanana, Athi lowo uzayo afike, angalibali. Ke lowo ulilungisa uya kudla ubomi obuphuma elukholweni; ukuba ke uthe wahlehla, awuyi kukholiswa nguye umphefumlo wam. Ke thina asingabahlehla baye entshabalalweni; kodwa ke kwabakholwayo, kuse ekusindisweni komphefumlo”.
Yanga iNkosi uYesu ingasinceda silwe umlo olungileyo wobomi obungunaphakade. Amen!
183 - Umlo olungileyo