Iintliziyo zethu kufuneka zisoloko zinqwenela olu budlelwane busondeleyo (ukuhlala), noThixo, obunokwenzeka kuphela ngoYesu Kristu. INdumiso 63:1 , “Thixo, unguThixo wam; ndiya kuquqela kwakusasa; umphefumlo wam ukungxamele, inyama yam inxanela wena ezweni elingumqwebedu, elibharhileyo, elingenamanzi. Ukuhlala kufuneka sizahlule esonweni nakwihlabathi kuqala, kwaye sibambelele elizwini nakwizithembiso zikaThixo, kuKristu Yesu.

Luka 9:23, 25, 27; Wayesithi ke kubo bonke, Ukuba ubani uthanda ukundilandela, makazincame, awuthwale umnqamlezo wakhe imihla ngemihla, andilandele ke. Kuba kumnceda ntoni na umntu, ukuba uthe walizuza ihlabathi liphela, abe ke ezilahlile, mhlawumbi ezonakalisile? Ndithi ke kuni, Inyaniso, kukho abathile kwabemiyo apha, abangayi kukha beve kufa bona, bade babubone ubukumkani bukaThixo.

1 Kor. 15:19; Ukuba singabathembele kuKristu kobu bomi bodwa, soba sizezona ntsizana kubantu bonke.

Yakobi 4:4, 57, 8; Bakrexezindini, bakrexezikazindini, anazi na ukuba ubuhlobo balo ihlabathi bubutshaba kuye uThixo? Othe ngoko angaba sisihlobo salo ihlabathi, utshaba lukaThixo. Ngaba nicinga ukuba isibhalo sifumana sithetha ukuthi, Umoya ohleli ngaphakathi kwethu ukhweletisa? Mthobeleni ngoko uThixo. Mchaseni ke uMtyholi, wonibaleka. Sondelani kuye uThixo, wosondela kuni. Hlambululani izandla, boni; nenze nyulu iintliziyo zenu, nina bamphefumlo umbaxa.

eyoku-1 kaYohane 2:15-17; Musani ukulithanda ihlabathi, kwanezinto ezisehlabathini. Ukuba kukho othi alithande ihlabathi, uthando lukaYise alukho kuye. Kuba konke okusehlabathini, inkanuko yenyama, nenkanuko yamehlo, noqhankqalazo lobu bomi, asikokuphuma kuye uYise, kokuphuma ehlabathini. Ihlabathi ke liyadlula, kwanenkanuko yalo; ke yena owenza ukuthanda kukaThixo uhleli ngonaphakade.

Yohane 15:4-5, 7, 10; Hlalani kum, mna ndihlale kuni. Njengokuba isebe lingenako ukuthwala isiqhamo ngokwalo, lingahlalanga emdiliyeni; aninako nani, ukuba anihlalanga kum. Umdiliya ndim, nina ningamasebe; lowo uhleli kum, ndibe mna ndihleli kuye, yena uthwala isiqhamo esininzi; ngokuba, ningekum, aninakwenza nto. Ukuba nithe nahlala kum, namazwi am ahlala kuni, nocela into enisukuba niyithanda, niyenzelwe. Ukuba nithi niyigcine imithetho yam, hlalani eluthandweni lwam; njengokuba mna ndayigcinayo imithetho kaBawo, ndahlala eluthandweni lwakhe.

CD – 982b, Ukholo oluhlala luhleli, “Abide is onto. Ukholo oluhlala luhleli lukholo lwabaprofeti, indlela yabapostile. Yibambe kuba iya kukubeka endleleni elungileyo. Lukholo lukaThixo ophilileyo, (hlalani kulo). Ukuba nithe nahlala kum, namazwi am ahlala kuni, nocela into enisukuba niyithanda, niyenzelwe.Lukholo olo oluseLiwa, neloLiwa yiNkosi uYesu Kristu. {Imfihlelo yokuhlala kuKristu Yesu, kukukholwa, nakulenza ilizwi lakhe;