Siri zilizofichwa - Hukumu ya kiti cheupe cha enzi

Inaendelea….

Ufu. 20:7, 8, 9, 10; Mwishoni mwa miaka 1000 (Milenia)

Na hiyo miaka elfu itakapokwisha, Shetani atafunguliwa, atoke kifungoni mwake, naye atatoka kwenda kuwadanganya mataifa walio katika pembe nne za dunia, Gogu na Magogu, kuwakusanya kwa vita; ni kama mchanga wa bahari. Wakapanda juu ya upana wa nchi, wakaizunguka kambi ya watakatifu, na mji ule uliopendwa; na moto ukashuka kutoka kwa Mungu mbinguni, ukawala. Na Ibilisi, mwenye kuwadanganya, akatupwa katika ziwa la moto na kiberiti, alimo yule mnyama na yule nabii wa uongo, nao watateswa mchana na usiku, milele na milele.

Ufu. 20:11, 12, 13. Hukumu ya Kiti Cheupe cha Enzi.

Kisha nikaona kiti cha enzi kikubwa cheupe, na yeye aketiye juu yake, ambaye dunia na mbingu zikaukimbia uso wake; na hapakuonekana mahali pao. Nikawaona wafu, wadogo kwa wakubwa, wamesimama mbele za Mungu; na vitabu vikafunguliwa, na kitabu kingine kikafunguliwa, ambacho ni cha uzima; na hao wafu wakahukumiwa katika mambo hayo yaliyoandikwa katika vile vitabu, sawasawa na matendo yao. Bahari ikawatoa wafu waliokuwa ndani yake; na mauti na kuzimu zikawatoa wafu waliokuwa ndani yake, nao wakahukumiwa kila mtu kwa kadiri ya matendo yake.

Ufu 20:15; Wakati wa ukweli na wa mwisho kwa wale ambao majina yao hayakupatikana katika Kitabu cha Uzima.

Na mtu ye yote ambaye hakuonekana ameandikwa katika kitabu cha uzima, alitupwa katika lile ziwa la moto.

1 Wakorintho 15:24, 25, 26, 27, 28 .

Ndipo mwisho utakapofika, atakapomkabidhi Mungu Baba ufalme wake; atakapokwisha kuweka chini utawala wote na mamlaka yote na nguvu. Maana sharti atawale mpaka atakapowaweka maadui wote chini ya miguu yake. Adui wa mwisho atakayeangamizwa ni mauti. Kwa maana ameweka vitu vyote chini ya miguu yake. Lakini anaposema kwamba vitu vyote vimewekwa chini yake, ni dhahiri kwamba yeye aliyeweka vitu vyote chini yake hayumo. Na vitu vyote vitakapowekwa chini yake, ndipo Mwana naye atakapotiishwa chini yake yeye aliyeweka vitu vyote chini yake, ili Mungu awe yote katika yote.

Ufu. 19:20; Yule mnyama akakamatwa, na yule nabii wa uongo pamoja naye, yeye aliyezifanya ishara mbele yake, ambazo kwa hizo aliwadanganya wale walioipokea chapa ya yule mnyama, na wale walioisujudia sanamu yake. Wote wawili walitupwa wakiwa hai katika ziwa la moto linalowaka kiberiti.

Ufu 20:14; Mauti na kuzimu zikatupwa katika lile ziwa la moto. Hii ndiyo mauti ya pili.

Ufu. 21:1; Kisha nikaona mbingu mpya na nchi mpya; kwa maana mbingu ya kwanza na nchi ya kwanza zimekwisha kupita; na hapakuwa na bahari tena.

MAANDISHI MAALUM #116 aya ya mwisho; Kwa hiyo hapa kuna siri kwa Bibi-arusi Wake mteule. Kuna roho moja kuu ya milele, inayofanya kazi kama, Mungu Baba, Mungu Mwana, Mungu Roho Mtakatifu, na mbingu inashuhudia kwamba hawa Watatu ni Mmoja. Bwana asema hivi, soma hili na uamini. Ufu. 1:8, “Mimi ni Alfa na Omega, mwanzo na mwisho, asema Bwana, aliyeko na aliyekuwako na atakayekuja, Mwenyezi. Ufu. 19:16, “Mfalme wa Wafalme, na Bwana wa mabwana.” Rum. 5:21, “mpaka uzima wa milele katika Kristo Yesu Bwana wetu.” Rum. 1:20 inajumlisha jambo zima, hata uweza wake wa milele na Uungu wake ili wasiwe na udhuru. Mambo yote yamefanyika vizuri kabisa, amini, Amina.

023 - Siri zilizofichwa - Hukumu ya kiti cheupe cha enzi katika PDF