Bibele le Moqolo ka litšoantšo

Kahlolo ea linkho tse patiloeng - 020

E tswelapele….

Tše 16 temana ea 1, 2, 3, 4, 8, 10, 12, 17 hodima lefatshe. Wa pele a ya, a tshollela nkgo ya hae lefatsheng; mme ha hlaha seso se bohloko, se bohloko hodima batho ba nang le letshwao la sebata, le ba kgumamelang setshwantsho sa sona. Lengeloi la bobedi la tshollela nkgo ya lona lewatleng; mme la fetoha madi a kang a motho ya shweleng: mme moya o mong le o mong o phelang lewatleng wa eshwa. Lengeloi la boraro la tshollela nkgo ya lona dinokeng le didibeng tsa metsi; mme tsa fetoha madi. Lengeloi la bone la tshollela nkgo ya lona hodima letsatsi; mme sa newa matla a ho tjhesa batho ka mollo. Lengeloi la bohlano la tshollela nkgo ya lona teroneng ya sebata; mme mmuso wa hae wa eba lefifi; mme ba itoma maleme ka baka la bohloko. Lengeloi la botshelela la tshollela nkgo ya lona hodima noka e kgolo ya Eufrate; mme metsi a teng a psha, ho tle ho lokiswe tsela ya marena a Botjhabela. Lengeloi la bosupa la tshollela nkgo ya lona moyeng; mme lentswe le leholo la tswa tempeleng ya lehodimo, teroneng, le re: Ho etsahetse!

16 temana ea 5, 6, 7, 15 Hobane ba tsholotse madi a bahalaledi le a baporofeta, mme o ba neile madi hore ba a nwe; hobane ba tshwaneleha. Yaba ke utlwa e nngwe e le aletareng, e re: Ho jwalo, Morena Modimo, o matla wohle, dikahlolo tsa hao ke tsa nnete, di lokile. Bona, ke tla jwaloka leshodu. Ho lehlohonolo ya lebelang, ya bolokang diaparo tsa hae, esere a tsamaya a le feela, mme ba bona dihlong tsa hae. Sefako se seholo, lejoe le leng le le leng le ka bang boima ba talenta, sa oela holim'a batho, se e-tsoa leholimong; hobane kotlo ya teng e ne e le kgolo ka ho fetisisa.

Moqolo 172 Para 5 le 6. Jesu o ile a re, ha bakhethoa ba ntse ba shebeletse ’me ba rapela hore ba phonyohe litlokotsi tsa matšoenyeho a maholo, ( Luka 12:36 ). Matt. 25:2-10 e fana ka qeto e tiileng ea hore karolo e ’ngoe e ile ea nkoa ’me karolo e ’ngoe ea sala. E bale, sebelisa mangolo ana e le tataiso ho boloka tšepo ea hau ea hore Kereke ea 'nete e tla fetoleloa pele ho letšoao la sebata joalo-joalo (Tšen. 13).

Mohlomong ha se taba e iketsahalletseng feela hore ke utloe tsena tsohle.

Ho nyamela ka tšohanyetso ha limillione tsa batho lefatšeng, ho tla baka tlokotsi e makatsang, pherekano, moferefere le tšabo har’a ba ikutloang ba tseba se etsahetseng. Lefu le mahlomola li tla ata hohle. Empa sena sohle se tla hlalosoa ke mebuso ea lefatše. Tlhokomelo ea batho e tla huleloa hole le liketsahalo ka lipontšo tsa leshano le limakatso tsa antikreste. Moetapele enwa wa lefatshe o tla soma ketsahalo e tshwanang le eo ba e entseng ha moporofeta Elia a ne a fetolelwa.

020 - Kahlolo ea linkho tse patiloeng ka PDF