Kusatenda kuramba kutenda muna Mwari neShoko rake. Izvi zvinowanzokonzera kusavimba uye kusateerera Mwari neShoko rake, Jesu Kristu. Johane 1:1, 14, “Pakutanga Shoko rakanga riripo, Shoko rakanga riri kuna Mwari, uye Shoko rakanga riri Mwari. Shoko ndokuzova nyama, akagara pakati pedu, uye takaona kubwinya kwake, kubwinya sekwewakaberekwa umwe woga waBaba, azere nenyasha nechokwadi. NdiJesu Kristu.

Mat. 28:16-17; Zvino vadzidzi vanegumi nomumwe vakaenda Garirea, kugomo Jesu raakavaraira; Zvino vakati vachimuona, vakamunamata; asi vamwe vakakahadzika.

VaR. 3:3-4; Zvino kana vamwe vasina kutenda? Kusatenda kwavo kuchakonesa kutenda kwaMwari here? Ngazvisadaro! asi Mwari ngaave wechokwadi, asi munhu wose murevi wenhema; sezvazvakanyorwa zvichinzi: Kuti mururamiswe pamashoko enyu, uye mukunde pakutonga kwenyu.

VaR. 11:20-21, 30-32; Zvakanaka; akavhuniwa nokuda kwokusatenda, uye iwe unomira nokutenda. Usazvikudza, asi utye; nekuti kana Mwari asina kurega matavi echisikigo, haangakuregi iwewo. Nokuti sezvamakanga musingateereri Mwari pane imwe nguva magamuchira ngoni zvino nokuda kwokusateerera kwavo, saizvozvo naivowo zvino havachatendi, kuitira kuti vagamuchire ngoni nokuda kwengoni dzenyu. Nekuti Mwari wakavapfigira vose mukusatenda, kuti ave netsitsi pane vose.

VaH. 3:12-15, 17-19; Hama dzangu, chenjerai, kuti mukati momumwe wenyu murege kuva nomoyo wakaipa, usingatendi, wokutsauka kubva kuna Mwari mupenyu. asi kurudziranai zuva rimwe nerimwe, kana kuchanzi: Nhasi; kuti kurege kuva nomumwe wenyu anowomeswa nokunyengera kwechivi. Nekuti tiri vagovani vaKristu, kana tichibatisisa kuvamba kwechivimbo chedu kusvikira pakuguma; kana zvichinzi: Nhasi kana muchinzwa inzwi rake, musawomesa moyo yenyu, sepakutsamwisa. Asi wakatsamwiswa nani makore makumi mana? Havazi ivo vakatadza vane zvitunha zvakawira murenje here? Uye ndivanaani vaakapikira kuti havangapindi muzororo rake, kunze kwaivo vasina kutenda? Saka tinoona kuti vakanga vasingagoni kupinda nokuda kwokusatenda.

Mat. 17:20-21; Jesu akati kwavari: Nemhaka yekusatenda kwenyu. Nekuti zvirokwazvo ndinoti kwamuri: Kana mune rutendo rwakaita setsanga yemasitadha, mungati kugomo iri: Ibva pano, enda koko; richabva; uye hakuna chinhu chingakukonai imi. Asi zera iri haribvi kunze nekunyengetera nekutsanya.

Mat. 13:58; Uye haana kuita mabasa esimba mazhinji ipapo nekuda kwekusatenda kwavo.

Mupumburu #277, “Vatsvene havazotsamira pakuona kwavo uye nepfungwa shanu chete, asi vachavimba neShoko raMwari nezvivimbiso. Mumweya, semufudzi mukuru, Ari kudzidana dzose nemazita adzo. Kunze kwerubhabhatidzo rweMweya Mutsvene, rwatakasimbiswa narwo kusvika pazuva rekudzikinurwa, rekushandurwa, mugomba unofa pakusafa) Ari kuvapa chisimbiso chekusimbisa; (neshoko remupumburu kune avo vanogona kuritenda; sepanguva yakapfuura vazhinji havana kuzviita nekuda kwekusatenda.) Vasanangurwa vachanzwa inzwi reWamasimbaose sezvaanoreva achiti: Kwira pano. Kubata kwave pedyo. Mweya Mutsvene uri kuunganidza makwai aKe echokwadi, (hapazove nekusatenda).