Mwoyo yedu inofanira kugara ichishuvira hukama hwepedyo uhu (kugara), naMwari, izvo zvinogoneka chete kuburikidza uye muna Jesu Kristu. Mapisarema 63:1, “Mwari, muri Mwari wangu; ndichakutsvakai mangwanani, mweya wangu unenyota kwamuri, nyama yangu inokushuvai, panyika yakaoma, ine nyota, isina mvura. Kuti tigare tinofanira kuzviparadzanisa kubva kuchivi nenyika kutanga, uye tisimbise pashoko nezvipikirwa zvaMwari, muna Kristu Jesu.

Ruka 9:23, 25, 27; Zvino wakati kwavari vose: Kana ani nani achida kuuya shure kwangu, ngaazvirambe, atakure muchinjikwa wake zuva rimwe nerimwe, anditevere. Nekuti munhu ungabatsirwei kana akawana nyika yose, asi iye pachake azvitadzire kana kurasikirwa? Asi zvirokwazvo ndinoti kwamuri: Vamwe varipo kune vamire pano, vasingazoraviri rufu, kusvikira vaona ushe hwaMwari.

1 VaK. 15:19; Kana tine tariro muna Kristu muupenyu huno chete, tinonzwisa urombo kukunda vanhu vose.

Jakobho 4:4, 57, 8; Imwi mhombwe nezvifeve, hamuzivi here kuti ushamwari hwenyika hwunovengana naMwari? Naizvozvo ani nani unoda kuva shamwari yenyika muvengi waMwari. Munofunga kuti rugwaro runotaura pasina here, ruchiti: Mweya, wakagara mukati medu unochiva negodo? Naizvozvo muzviise pasi paMwari. Dzivisai dhiabhorosi agokutizai. Swederai kuna Mwari, uye iye achaswedera kwamuri. Shambai maoko enyu, imi vatadzi; natsai moyo yenyu, imwi mune moyo miviri.

1 Johani 2:15-17; Musada nyika kunyange nezvinhu zviri munyika. Kana munhu achida nyika, rudo rwaBaba haruzi maari. Nokuti zvose zviri munyika, zvinoti, kuchiva kwenyama, nokuchiva kwameso, nokuzvikudza kwoupenyu, hazvibvi kuna Baba, asi panyika. Uye nyika inopfuura nokuchiva kwayo; asi unoita kuda kwaMwari unogara nokusingaperi.

Johani 15:4-5, 7, 10; Garai mandiri, neni mamuri. Sedavi risingagoni kubereka zvibereko pacharo, kana risingagari mumuzambiringa; hamungagoni kuitazve kana musingagari mandiri. Ini ndiri muzambiringa, imi matavi. Unogara mandiri, neni maari, ndiye unobereka zvibereko zvakawanda; nekuti kunze kwangu hamugoni kuita chinhu. Kana muchigara mandiri, nemashoko angu achigara mamuri, muchakumbira chero zvamunoda, uye muchazviitirwa. Kana muchichengeta mirairo yangu, muchagara murudo rwangu; sezvandakachengeta mirairo yaBaba vangu, ndikagara murudo rwavo.

CD – 982b, Kutenda kunogara, “Abide is onto. Kutenda kunogara kutenda kwevaporofita, nzira yevapostora. Batisisa pazviri nekuti zvinokupinza munzira kwayo. Ndiko kutenda kwaMwari mupenyu, (garai mazviri). Kana muchigara mandiri uye mashoko angu achigara mamuri, muchakumbira chero zvamunoda uye muchazviitirwa.ndiko kutenda kuri padombo uye dombo iroro ndiIshe Jesu Kristu. {Chakavanzika chekugara muna Kristu Jesu kutenda uye kuita shoko rake}