“Manomàna mandra-pihaviko”, dia midika izany fa tsy maintsy manao ny asany eto an-tany ianao, toy ny olona iray izay miandry ny fiverenany hatrany. Aoka ho vonona, miomana mandrakariva, fa tsy fantatrareo ny ora hiverenany tampoka; ao anatin'ny indray mipi-maso, ao anatin'ny indray mandeha dia tsy eritreretinao. manaova varotra (asa ara-pilazantsara) amin’izay nomena anareo mandra-pihaviny.

Lioka 19:12-13; Dia hoy Izy: Nisy andriandahy anankiray nandeha nankany an-tany lavitra mba handray fanjakana, dia hiverina. Dia niantso folo lahy izy ka nanome azy farantsa folo ka nanao taminy hoe: Mandrantoa mandra-pihaviko.

Marka 13:34-35; Fa ny Zanak'olona dia tahaka ny olona nandeha lavitra, izay nandao ny tranony ka nanome fahefana ny mpanompony sy ny olona rehetra ny asany ary nandidy ny mpiandry varavarana hiambina. Koa miambena ianareo, fa tsy fantatrareo izay andro hihavian'ny tompon-trano, na ho hariva, na ho mamatonalina, na ho maneno akoho, na ho maraina;

Mamikitra

Apok. 2:25; Fa izay anananareo dia tano mafy mandra-pihaviko.

Deot. 10:20; Jehovah Andriamanitrao no matahoranao; Izy no hotompoinao, ary Izy no hifikiranao, ary ny anarany no hianiananao.

Heb. 10:23; Aoka isika hihazona mafy ny fanekena ny finoana ka tsy hihozongozona; (fa mahatoky Izay nampanantenaina;)

1 Tes. 5:21; izahao toetra ny zavatra rehetra; tano mafy izay tsara.

Heb. 3:6; Fa Kristy kosa dia Zanaka manapaka ny ankohonany; Isika no tranony, raha hazonintsika mafy hatramin'ny farany ny fahasahiana sy ny firavoravoan'ny fanantenana.

Heb. 4:14; Koa satria isika manana Mpisoronabe lehibe, Izay lasa any an-danitra, dia Jesosy, Zanak'Andriamanitra, dia aoka isika hihazona ilay efa nekentsika.

Heb. 3:14; Fa efa tonga mpiombona amin'i Kristy isika, raha hazonintsika mafy hatramin'ny farany ny fiandohan'ny fahatokiana;

Levitikosy 6;12-13; Ary ny afo eo ambonin'ny alitara hirehitra eo; ary ny mpisorona handoro kitay isa-maraina ka handahatra ny fanatitra dorana eo amboniny; ary hodorany eo amboniny ny saboran'ny fanati-pihavanana. Ary hisy afo hirehitra mandrakariva eo ambonin'ny alitara; tsy ho levona mandrakizay izy.

Izany rehetra izany dia tanterahinareo amin’ny fijoroana ho vavolombelona momba an’i Jesosy Kristy; Manafaka ny olona amin’ny aretina, ny fatorana, ny zioga ary ny fahababoana ara-panahy amin’ny hery sy ny anaran’i Jesosy Kristy, manambara ny fiavian’ny Tompo amin-kafanam-po sy fahadodonana; manasaraka ny tenanao amin'izao tontolo izao sy ny fiahiany, ary aoka ho vonona mandrakariva.

SORATRA MANOKANA #31, “Jesosy ho avy hamonjy ny mpijinja Azy. Ary izay efa vonona dia nandeha niaraka taminy, ary dia narindrina ny varavarana, (Mat. 25:10). Nambaran’ny Baiboly fa hisy fotoana elaela eo anelanelan’ny ranonorana voalohany sy farany, ( Mat. 25:5 ) Fisalasalana kely. Fa izay tena tia an’i Jehovah dia mbola hiambina amin’ny fitarainana mamatonalina”. Mipetraha mandra-pihaviko.